பின்னூட்ட கயமை கண்காணிப்பு குழு

இலவசக்கொத்தனாரின் மெகா பின்னூட்ட கயமைத்தனம்!

2006-07-14T05:31:00.000-07:00

இதுவரை நமது விஜிலென்ஸ் குழு கண்டறிந்ததிலேயே மிகப்பெரிய கயமைத்தனம் வ.வா. சங்கத்தில் நடந்திருக்கிறது. அந்த சங்கத்தின் முக்கியப் பிரமுகரான இலவசக் கொத்தனார் தான் இந்த கயமையை செய்திருக்கிறார். அவர் எழுதிய பரிணாம வளர்ச்சி என்னும் தலைப்பில் மொத்தம் இடப்பட்ட 174 பின்னூட்டங்களில் 78 பின்னூட்டத்தை இவரே போட்டு சாதனை படைத்திருக்கிறார். பல வலைப்பதிவாளர்கள் தமிழ்மணத்தில் மொத்தமாக போட்ட பின்னூட்டமே இவ்வளவு தான் இருக்கும். ஆனால் இலவசக் கொத்தனாரோ புகுந்து விளையாடி ஒரே பதிவில் இவ்வளவு பின்னூட்டம் போட்டிருப்பது சோதனைக்குச் சென்ற காவலர்களை அதிர்ச்சியிலும், பீதியிலும் ஆழ்த்தி இருக்கிறது.

http://vavaasangam.blogspot.com/2006/07/blog-post_13.html

நாமக்கல் சிபி @15516963யின் பின்னூட்ட கயமை

2006-07-14T04:59:00.000-07:00

"மரணம்" என்ற நாமக்கல் சிபியின் வலைப்பூவில் பின்னூட்ட கயமை நடந்து கொண்டிருக்கிறது. மொத்தம் போடப்பட்ட 68 கமெண்டுகளில் 27 கமெண்டுகளை அவரே போட்டு அமர்க்களம் செய்துக் கொண்டிருக்கிறார்.

அந்த சர்ச்சைக்குரிய பதிவு http://manamumninavum.blogspot.com/2006/07/21.html

வஜ்ரா சங்கரின் பின்னூட்ட கயமைத்தனம்

2006-07-14T04:02:00.000-07:00

ஆரியர்-திராவிடர், பூர்வீகக் குடிகள்-ஆதாரங்கள் என்ற வஜ்ரா சங்கரின் பதிவில் முதலில் இடப்பட்ட 31 பின்னூட்டங்களில் 14 அவரே இட்டது.

அவரது பதிவின் சுட்டி இதோ : http://sankarmanicka.blogspot.com/2006/07/blog-post_09.html

டோண்டு அவர்களின் பின்னூட்ட கயமைத்தனம்

2006-07-14T00:30:00.000-07:00

ஜூலை 2-ஆம் தேதி, 2006, உட்லேண்ட்ஸ் டிரைவ் இன்னில் என்ற பதிவில் மொத்தம் பதிவாகி இருக்கும் 45 பின்னூட்டங்களில் 21 பின்னூட்டங்களை டோண்டுவே போட்டு கயமைத்தனம் செய்திருக்கிறார். இது மொத்த பின்னூட்டங்களில் கிட்டத்தட்ட 45 சதவிகிதம்.

இது தொடர்பான அவரது கயமைத்தனத்தை இங்கே காணுங்கள் : http://dondu.blogspot.com/2006/07/2-2006.html

வந்துவிட்டது பின்னூட்ட கயமை கண்காணிப்பு குழு

2006-07-14T00:21:00.000-07:00

சமீபகாலமாக தமிழ்மணத்தில் பின்னூட்ட கயமை என்றொரு புதிய களவாணித்துவம் ஆரம்பிக்கப்பட்டிருக்கிறது. நிறைய வலைப்பதிவாளர்கள் தமிழ்மணத்தில் ஓசி விளம்பரம் கிடைக்கிறது என்று தங்களுக்கு தாங்களே கொஞ்சம் கூட குற்ற உணர்ச்சி இல்லாமல் பின்னூட்டங்களாகப் போட்டுக் கொள்ளும் அவலம் நடக்கிறது. இதைப்பற்றி சிலர் பதிவெல்லாம் கூட போட்டிருக்கிறார்கள். பதிவு போட்டவர்கள் கூட யோக்கியம் இல்லை என்பது குறிப்பிடத்தக்கது.

எனவே தமிழ்மணத்தின் பால் அக்கறை கொண்ட நால்வர் சேர்ந்து இந்த பின்னூட்ட கயமைகளை ஆராய்வது என்று முடிவு செய்திருக்கிறோம். யார் இதுபோல கேடித்தனம் செய்கிறார்கள் என்று ஆதாரத்துடன் இங்கே புட்டு புட்டு வைக்கப்படும்.